最近多咗朋友搬咗入元朗，所以討論話題都講多咗元朗當地嘅嘢。有幾個响元朗大嘅朋友有一次就講「雞地」呢個地方。得意嘅係，呢個地方响地圖上係搵唔到嘅。

「雞地」呢個地方係以前元朗一個地名，位置大概係响元朗市中心東南一帶。呢個地方以前係一個售賣家禽嘅地方。响1960年代初期，每逢墟期元朗附近村民開始個度嘅空地售賣雞鴨等家禽，就係咁當地人就叫呢個地方做「雞地」。不過，呢個叫法只係一個約定俗成嘅叫法，而唔係官方地名。後嚟政府發展呢個地方，就將附近地方嘅名以「鳳」字做頭，好似鳳麒路、鳳琴街等，以鳳代雞，叫得文雅啲。

原圖嚟自網絡