繼續同史友們介紹我國嘅一啲大型考古發現，內蒙古嘅林格爾縣小紅城古城可能唔少史友都聽講過，但大家又有冇諗過呢個古城下面可能藏有一個漢城？
近排內蒙古自治區文物考古研究院就表示，考古人員喺小紅城古城西北約1公里就搵到31座2000年前嘅漢墓，而喺呢個墓葬群附近，仲發現到好多漢代嘅遺物，估計喺呢個明代嘅大紅古城下方，可能疊壓咗一座漢城。
呢次嘅發現有唔少特別之處值得同大家講一講，就好似發掘墓葬分佈密集，而且形制上有齊土坑豎穴墓、土洞墓、磚壁墓、磚室墓等，認真特別。雖然呢個係一個墓葬群，但當中按照墓葬形制其實係分成三階段：由西漢中期至西漢晚期就係以土坑豎穴墓、土洞墓為主、西漢晚期至王莽時期就係磚壁墓以及王莽至東漢早期嘅普通墓葬。
既然係出土墓葬，自然係有唔少陪葬品，考古團隊就喺當中搵到唔少錢幣，例如就有西漢「五銖」、三官五銖、大泉五十以及各種陶器、釉陶器、銅器等，真係相當豐富。咁到底大紅城古城下係咪真係有座漢城呢？就真係要考古團隊繼續發掘先知！
原圖嚟自網絡