上次阿史介紹咗位於九龍塘嘅達之路個名源於紀念「糖薑大王」余達之,其實唔駛阿史多講史友們都知香港好多街道都係嚟自人名,當中就包括羅便臣道。之不過,原來响某段時間,羅便臣道就曾經有兩條。

相信史友們都會知羅便臣道係位於港島中半山之上,但原來响十九世紀中後期九龍半島都有條羅便臣道。話說英國响1860年通過《北京條約》強佔九龍半島,仲响依家尖沙咀一帶起咗路,命名為羅便臣道,以紀念接管九龍半島嘅港督羅便臣道。咁呢條羅便臣道响邊呢?就係今時今日嘅彌敦道。响二十世紀初,港英政府推動九龍半島嘅發展,於是就擴闊羅便臣道,同時為咗唔想同港島半山區嘅羅便臣道因同而出現混亂,所以就將條路改名為彌敦道,以紀念擴建該工程嘅時任港督彌敦爵士。