今日（11月12日）係中國革命先行者孫中山先生嘅誕辰紀念日，提起孫中山先生，相信唔少人都會記得佢提倡嘅「天下為公」，因為佢生前經常以「天下為公」為人題字，咁呢四個字同佢扯上關係呢？

「天下為公」四字出自《禮記·禮運》：「大道之行也，天下為公。」而孫中山先生於1912年就為上海《天鐸報》題詞「天下為公」，之後佢就開始以呢四個字題詞，當中就包括1920年佢為《新青年》雜誌「勞動節紀念號」寫咗「天下為公」題詞。

更有趣嘅係，孫中山先生曾經題詞「天下為公」作為賀壽之禮。話說響1920年，孫中山先生想叫手下馬逢伯去辦事，但馬逢伯收到老家嘅信話佢爸爸想佢返老家同佢過八十大壽。結果孫中山先生唔止送上送壽幛，更題詞「天下為公」呢份賀禮就成為馬老爺八十大壽嘅禮物。不過，據馬逢伯個仔憶述，佢爸爸馬逢伯最後都係無返到老家。