嘩嘩嘩，以往阿史介紹開嘅都係其他國家、地區嘅考古發現，而今次終於都可以講下香港喇！

日前土木工程拓展署喺公布交椅洲人工島相關工程項目果陣，就首次公布喺交椅洲東岸發現到一艘沉船殘骸，並且將會進行海洋考古發現。聽到呢度，可能唔少史友都覺得興奮，事關往往喺沉船殘骸當中，都會搵到唔少保存完整嘅陶瓷、金銀器、錢幣、甚至武器等等，而呢次嘅發現係有需要進行海洋考古調查，換言之好大機會都會有文物嘅發現。

據香港水下考古總會主席胡名川表示，呢次嘅海洋考古調查會耗費數以百萬港元計，到底沉船所用物料、所屬年份以及周邊有冇散落、古物，需唔需要原址保育等等，就需要有進一步行動先會知！

原圖嚟自網絡