東漢末年分三國,當中蜀漢劉備前半生寄人籬下,後半生喺諸葛亮的佐下佔領荊州、益州以及漢中,總算可以登基稱帝。提起劉備嘅仔,可能大家都會諗起「樂不思蜀」嘅劉禪,但其實劉備唔止得一個仔,甚至佢嘅野心亦都唔止咁簡單!

先講第一個仔,其實呢個係劉備嘅養子名為劉封,係喺劉備投靠劉表果陣,因為年紀唔少都冇個仔喺身邊,於是就決定收養羅侯寇氏個仔為養子,命名為劉封。之不過呢個仔後來喺樊城之戰面對關羽多次求救都按兵不動,最後關羽戰敗被殺、劉備失去荊州,劉封就被賜死喇!

而劉備第二個仔就係大家都熟悉嘅劉禪,係劉備老來所得嘅仔,所以自小就備受寵愛,喺劉備死後都繼承王位。之不過後來諸葛亮北伐失敗後,蜀國就真係無力回天,劉禪亦都被俘虜。

至於第三同第四個仔就真係冇乜名氣,佢哋分別叫做劉永、劉理,甚至史書上都冇乜記載。咁阿史到底點解要提佢哋呢?如果史友將佢哋嘅名連埋一齊讀,應該就會得出「封禪永理」呢四字,亦都係皇叔真正野心!

原圖嚟自網絡