繼續同史友們介紹世界各地嘅考古發現,今次阿史要介紹嘅發現真係相當巴閉,甚至仲號稱係50年嚟埃及最大嘅考古發現!到底係啲咩呢?就等阿史講一講啦!

近排波蘭考古學家就表示,佢哋聯同考古隊喺埃及首都開羅南部嘅沙漠就發現到一座4,500年前嘅太陽神廟。

事源就係佢哋喺阿布戈拉布(Abu Gorab)研究已出土嘅法老紐塞拉太陽神廟期間,呢座紐塞拉太陽神廟喺1898年出土,係埃及最大、最完整神廟之一。但點知就意外發現到下方有另一座布局相似,但地基比較細嘅遺址。當考古團隊進一步研究果陣,就喺地基當中搵到一個約60厘米言 嘅白色石柱以及一批啤酒瓷罐,至少可以追溯到公元前2,500年。

考古團隊就認為,呢批啤酒係古埃及最神聖,再加上研究歷史文獻就發現呢個遺址極有可能就係六座太陽神廟之一,真係陰差陽錯啊!

原圖嚟自網絡