尋日就係由中國人民對外友好協會主辦「美國飛虎隊來華抗戰80周年紀念活動」嘅日子，睇到呢個活動可能年紀較輕嘅史友未聽過「飛虎隊」，咁就等阿史就大家介紹下啦！

飛虎隊其實就即係當時美國志願援華航空隊，負責支援抗日戰爭時期中國空軍，主要就喺雲南一帶進行工作。呢支部隊係由美國飛行教官克萊爾·李·陳納德喺1937年考察中國空軍時受邀，並且喺1941年創立。陳納德喺美國重金招募美軍飛行員同埋機械師，以平民身份參戰，以美軍嘅標準對中國空軍進行訓練，並且仲協助中國空軍對日作戰。

時間去到1941年7月，當陳納德重返中國之時，當時就已經有68架飛機、110名飛行員、150名機械師同埋其他後勤人員嚟到中國，並且分成三個中隊。「中國空軍美國志願大隊」亦都隨即成立，當時嘅戰機係有「插翅飛虎隊徽」、「鯊魚頭形戰機機」，並且以飛虎隊之名聞名。

陳納德亦都開展對志願隊成員進行專門訓練，並且分成「亞當和夏娃隊」、「熊貓隊」、「地獄裡的天使」三個中隊進行作戰。「飛虎隊」喺1941年12月7日嘅首戰就成功迎擊日軍轟炸機十九架，喺其後7個幾月戰役仲達成擊落約150架敵機同埋摧毀297架敵機嘅戰績。

直到1942年7月4日，美國志願隊奉美國陸軍部命令解散，以美國軍隊嘅身份繼續喺戰場作戰。

原圖嚟自網絡