繼續同史友們介紹我國以往嘅一啲考古發現，早喺2005年嘅時候，我國嘅考古隊就已經喺湖北挖掘緊一個明朝郢王妃墓穴，咁喺皇家嘅墓葬當中搵到珍寶都唔係咩新鮮事，之不過當考古團隊發掘咗完個墓穴之後，就發現一件相當震驚嘅事！
喺明朝郢王妃墓穴當中，雖然考古團隊只係出土到十件以內嘅文物，但當中就有一件舉世珍品名為「元代青花四愛圖梅瓶」以及金簪、金粉盒等，如今都已經被列為一級國家文物。要知道喺元代嘅瓷器數量本來就少，而且有瓶身繪有人物就更加罕見！咁樣嘅一件珍品，到底點解會喺郢王妃墓中而唔係喺合葬墓中郢王嘅墓穴呢？呢一點喺古代男尊女卑嘅社會當中極唔合理。
有咗呢點懷疑，考古團隊就進一步研究。郢王妃「郭氏」其實就係父親是開國元勛威襄公「郭英」、佢嘅姑媽就係朱元璋愛妃「寧妃」，而佢自己更加係被朱元璋賜婚嫁畀第二十四子郢王。之不過郢王於27歲英年早逝，郢王妃傷心欲絕殉情自殺。呢份痴情感動咗明成祖朱隸，於是就下旨厚葬郢王妃，所以最後郢王妃陪葬品禮遇先會高於合葬墓當中嘅郢王。
原圖嚟自網絡