唔知史友們有冇諗過，一件被以為係真跡好多年嘅文物，突然就被博物館唔承認呢？而呢件咁離奇嘅事近日就真係發生咗，而且仲係同達文西有關！

長年以嚟被認為係意大利文藝復興巨匠達文西畫作嘅《救世主》（Salvator Mundi），喺2017年年就被沙特文化部長Prince Bader以美金4.5億（約36億港元）天價投得，係史上最高成交價嘅藝術品。之不過近排西班牙普拉多國家博物館就對呢幅作品作出一啲新安排。

普拉多國家博物館竟然將呢幅作品降級，並且仲從達文世作品名單除名，呢次舉動係第一間博物館公開認為《救世主》並非達文西繪畫！呢幅作品喺1939 年被侯爵 Marquis de Ganay收購，並於 1999 年在蘇富比拍賣，現為匿名私人收藏。而博物館方面其實多次要求提供沙特所藏版本，之不過就一直都未得到結果，而作品自從由沙特王子天價購入後多次展出未能成功，真係可惜！

原圖嚟自網絡