嘩嘩嘩，真係千呼萬喚始出來，有過百年歷史嘅深水埗主教山配水庫下個月開始終於都有導賞團喇！

喺舊年年底呢個充滿特色嘅主教山配水庫就差啲被清拆，相關嘅相片曝光之後就引起社會關注，仲成功令到古物諮詢委員會將呢個地方評為一級歷史建築。自此之後，呢個咁重要嘅古蹟就一直關閉至今。之不過，署方近日就公布主教山配水庫已經完成加固同埋活化工程，所以可以開放畀公眾有限度參觀。

據了解，現時嘅配水庫已加設玻璃幕屋、樓梯及人造草皮等設施，下個月起可以開放畀1000人參觀，直至出年六月。而成個導賞團大約就有九十分鐘，由域街去到配水庫都有介紹，阿史真係相當期待啊！

原圖嚟自網絡