繼續同史友們介紹世界各地嘅考古發現,喺唔少電腦遊戲當中,特別係近排好熱門嘅世紀帝國系列,每個國家都有特殊嘅兵種出現,咁到底歷史上羅馬帝國時代引以為傲嘅軍隊又係點樣呢?

近排土耳其嘅卡拉比克大學嘅考古團隊就進行咗一次考古發現,喺一個羅馬遺址哈德良堡(Hadrianopolis)就出土咗一個距今1800年騎兵鐵面罩。哈德良堡位於帕夫拉戈尼亞(Paphlagonia),喺公元一世紀至八世紀都有先民居住,考古發現亦都相當豐富,先後出土過14座古代建築物,包括浴場、教堂、劇場、墳墓及別墅等。

而今次考古團隊所發現嘅騎士鐵面罩就係喺一個疑似係防禦工事牆壁嘅地方發現,雖然鐵面罩就唔完整,但就可以提供到考古證據證明到羅馬帝國勢力當時已擴展至區內,並且對黑海區內威脅進行抵禦,真係有意思!

原圖嚟自網絡