喺現代進行一啲戶外工程嘅時候，大家經常都會用到鐵鏟，咁到底喺9.9萬年前嘅世界，古代人嘅工具又係點樣呢？阿史今次就帶大家睇一睇啦！
位於山東省臨沂市沂水縣嘅跋山遺址內，考古團隊就喺今年五月展開發掘，結果就喺呢個舊石器時代中期曠野遺址搵到一件距今9.9萬年象牙鏟，經過一系列化驗同埋觀察，極有可能係中國目前發現最早嘅磨製骨器。據考古團隊介紹，呢個遺址嘅地層足足有八米厚，而目前就已經揭露8個文化層，發掘出石製品、骨牙角製品及動物化石5000幾件。
而今次考古團隊發現到嘅古菱齒象門齒修製而成嘅大型鏟形器，經過土層進行測定，佢嘅年代數據就係距今9.9萬年至10.4萬年，到底仲會唔會有其他考古發現，就需要等第二輪野外考古發掘工作先知喇！

原圖嚟自網絡