上次講深水埗北河街手雕鳳凰木壁畫重見天日時，就提及過當年酒樓東主一家因空難而全數罹難，而呢次空難就係發生響1983年嘅大韓航空007號空難。

1983年9月1日，一班從美國阿拉斯加安克雷奇飛往漢城嘅大韓航空波音-747客機007號航班，因飛行期間偏離航線，結果闖入咗堪察加半島南部以及庫頁島嘅蘇聯領空。呢個地區係蘇聯部署響遠東地區嘅戰略彈道導彈基地，而美國偵察飛機經常抵近蘇聯領空刺探情報。響事發因為係係夜間，蘇聯防空系統無法判定闖入領空嘅係客機定係偵察機，於是蘇聯就誤認為007號航班係美方嘅偵察機，於是以飛彈將客機擊落，機上269人包括乘客及機組人員全數罹難，當中就有14名香港人死於呢次空難。