同日軍侵略罪行相關嘅建築,阿史之前就為大家介紹過韓國首爾日本駐大韓民國大使館大門對面嘅慰安婦像,而其實類似嘅像唔止得韓國有,中國都一樣有!

喺雲南嘅騰衝古城郊區,有一座我國建立最早、規模最宏大嘅「國殤墓園」,喺呢個9168名烈士下葬嘅地方附近,就有四個向住墓園下跪嘅日軍雕像,呢度真係講開有段故!

咁點解呢個位於雲南嘅縣城會有咁多戰死嘅烈士呢?原來喺19411223日,我國戰士為咗阻止日軍進行我國當時唯一對外通道滇緬公路,於是十幾萬嘅將士就組成遠征軍嚟到中緬邊界作戰。經過四個月嘅戰鬥,喺駐緬英軍突然撤退嘅情況下,日軍就突襲佔領騰衝。見到咁嘅情景,遠征軍就當然出盡全力反攻,結果持續一個月嘅戰鬥之中,我軍共殲滅日軍六千幾人,而我軍將士死傷多達一萬八千幾人,其中有九千幾人就安葬喺呢個烈士陵園。

同樣喺戰爭中死亡嘅仲有六千幾個日軍,無法忍受屍體堆積如山嘅居民就只好建立一個日軍塚,而為咗告慰烈士們亡靈,當時居民除咗將呢個塚取名為「倭塚」,仲設立咗四個日軍跪姿雕像,向國殤墓園近萬名遠征軍忠骨下跪贖罪。

原圖嚟自網絡