如果有飲開茶嘅史友，可能好多時候都會搵啲年份有返咁上下嘅茶嚟飲，咁唔知如果呢隻茶葉遺存飲落口，到底會係咩味呢？
近排山東大學嘅考古團隊就發表《山東鄒城邾國故城西崗墓地一號戰國墓茶葉遺存分析》，當中就公布咗佢哋喺山東濟寧鄒城市邾國故城遺址嘅一個原始瓷碗入面，搵到現時世上最早嘅茶葉遺存，呢個發現亦都令世界茶文化起源嘅實物證據提前至少300年。
早喺2008年嘅時候，考古團隊就已經對呢個遺址進行考察發掘，而當佢哋發現到呢個原始瓷碗，就發現埋碗原來係有莖葉狀植物殘留，經過化驗之後證實係經過煮泡嘅茶葉殘渣。喺呢次發現之前，其實年代最早嘅茶葉實物出土于西漢景帝陽陵，之不過呢次邾國故城嘅發現就將茶文化嘅起源推前到戰國早期偏早階段（西元前453至前410年），有助研究茶嘅早期起源同埋傳播等問題，真係有意思！
原圖嚟自網絡