「三眼花翎」到底有幾珍貴？

近年嚟內地有唔少宮廷劇，特別係清宮戲都表現得相當出色，受到唔少網民熱捧，亦都令唔少人開始了解古代嘅服裝。喺清朝嘅268年歷史當中，有一樣特殊嘅服飾係象徵住皇恩浩蕩，歷史上亦都只係得七個人得到過，而呢樣正正就係「三眼花翎」。

所謂嘅「花翎」就即係冠冕上飾以裝飾品，呢種方法早喺戰國時期就已經流行，當時係「以金璫飾首，前插貂毛為貴職」，後來歷朝歷化都有以唔同鳥羽飾冠嘅習慣。呢種習慣慢慢去到清朝，就有記載用孔雀翎分為三眼、雙眼、單眼共三級，而所謂嘅眼就係指羽毛上圓形花紋，眼數愈多等級就愈高。喺清代嘅花翎制度當中，「三眼花翎」就分成例戴與賜戴兩種，例戴就只係得指爵位到達一定品秩，而且要係滿清宗室先可以；至於賜戴就係畀爵位較低嘅貝子以及額駙。

而喺「外任文臣無賜戴花翎者」嘅規矩之下，獲賜戴三眼花翎嘅人就只係得七個，分別係傅恒、福康安、和琳、長齡、禧恩、李鴻章、徐桐，真係珍貴啊！