繼續同史友們介紹世界嘅一啲最新考古發現，人類嘅起源往往都係唔少考古學者嘗試探索嘅問題，而近日就有一份研究公布咗相關嘅發現，阿史今次就同大家講一講啦！

喺最新刊於《自然生態及演化》嘅研究入面，就公布咗一項關於丹尼索瓦人 (Denisovan) 化石嘅發現。其實相關嘅發現喺十幾年前就首次喺西伯利亞丹尼索瓦洞發現，而研究人員後來唔單止再搵到呢已滅絕人類近親嘅三塊化石，仲首次搵到埋同佢哋相關嘅石製品。

丹尼索瓦人一直都被認為係人類嘅近親，甚至仲有研究指佢哋同尼安德特人 (Neanderthal)都一樣係現代智人嘅最近親。而根據考古學家進行嘅DNA化驗，丹尼索瓦極有可能係曾經分佈喺亞洲、東南亞以及大洋洲，經過同現代智人祖先雜交先至得以繁衍。而喺以往發現嘅3,800 塊化石入面，考古團隊就估算其中三塊至少有20萬年歷史，係迄今為止發現最古老丹尼索瓦人化石。到底古人嘅人類生活係點，具體又會有咩行為？咁就需要等進一步考古發現喇！

原圖嚟自網絡