繼續同史友們介紹一啲我國古代嘅經典典故，喺形容後人依循前人所訂嘅規章、制定行事嘅時候，我哋通常都會用到「蕭規曹隨」呢個詞。之不過，當中嘅「蕭」同「曹」又係咩人，又點解會發生呢個故事呢？阿史今次就同大家介紹下啦！
「蕭規曹隨」當中嘅「蕭」同「曹」其實分別就係蕭何與曹參，呢兩個人年少時就已經相識，後來到去西漢建國，蕭何更加成日一國之宰相，而曹參亦都係大將，但由於身份唔同，兩人昔日嘅友情亦都產生嫌隙。喺蕭何在任期間，參考前朝制定唔少典章及製度，而當佢去世前，佢就推薦曹參喺佢死後接任位置。對於蕭何生前所制定嘅政策，曹參認為法令已經相當完備唔需要改動。
之不過，喺曹參在位期間，由於佢只係繼續執行蕭何嘅法令，所以自己政治上清靜無為，就引嚟漢惠帝不滿，甚至仲親自問責。面對呢個情景，曹參就先係問漢惠帝自己比唔比得上先帝，接住落嚟就話先帝同蕭何平定天下，而且法令俱全，只要陛下垂拱而治，官吏堅守崗位，咁就唔會有錯失，所以法令亦都唔需要更改。呢個故事就喺後世流傳，甚至仲被歌頌「蕭規曹隨」。
原圖嚟自網絡