又嚟到十二月，又係一個令到廣大國人都相當憤慨嘅日子，事關喺當年嘅今日，正正就係舉世知名嘅戰爭罪行——南京大屠殺發生嘅日子。
對於呢場反人類嘅戰爭罪行，其實喺戰後日本就不斷銷毀相當嘅資料，企圖去掩飾事件嘅真相，亦都令到歷史學家難以准確估計相關嘅死亡人數。自盧溝橋事變後，中方以及日軍就進入全面戰爭，日軍當時對南京展行無差別轟炸，而中方軍隊足足就堅守三個幾月，直至淞滬會戰失敗後先慢慢將勢力轉移至內陸。
之不過，喺12月8日，日軍就全面佔領南京外圍陣地，期間仲推進進攻戰線、大量殺害戰俘。去到1937年12月13日，南京被各路日軍陸續攻入，喺日軍進攻之時，對攻佔區軍民開展無差別搶劫、強姦及屠殺，呢件就係史稱「南京大屠殺」嘅戰爭罪行。
據估計，喺呢場大屠殺當中，一共有接近三十萬中國軍民受到殺害，約兩萬中國婦女遭日軍姦淫，南京城三分之一被日軍縱火燒毀，而日本政府對呢一切態度都表現得相當曖昧不清。
原圖嚟自網絡