就喺尋日影視圈就傳來一個令人傷感嘅消息，就係金馬影帝陳松勇先生因病逝世，享壽80歲。

陳松勇先生自細家境清貧，好早就要出嚟工作，但就憑住個人努力苦讀《史記》、《漢書》、《古文觀止》等，亦都學習過歌仔戲與京劇，早就已經有一定嘅成就。

陳松勇先生喺1970年出道，期間就演出過唔少經典劇集同埋電影，唔少更加係同香港明星合演，就好似與譚詠麟、劉德華合演《至尊計狀元才》，又同周潤發合演《監獄風雲2逃犯》等等，相信唔少史友都會有印象。而講到佢事業嘅高峰，當然係喺1989年果陣憑住出演憑侯孝賢執導嘅《悲情城市》，獲金馬獎最佳男主角。

去到後來，陳松勇後來多半都係出演配角，去到2000年後退出影壇，先後因摔倒、肺積水及腎病兩度住院。直到一個幾月前，佢就因為身體再感不適緊急送往醫院治療，據指佢最終喺自己選擇之下，決定轉到安寧病房病逝。

原圖嚟自網絡