宋代抗金英雄岳飛應該都無乜中國人唔識,關於佢嘅歷史以至民間故事都深入民心。唔知史友們又知唔知,原來香港都有地方供奉呢位民族英雄。

位於銅鑼灣最東邊接近北角一帶,就有間岳王古廟,呢間廟亦係香港唯一以奉祀岳飛為主神嘅廟宇。據了解間廟創建於上世紀三十年代,為紀念宋代民族英雄岳飛而建。廟中主神為岳飛,而左右為關帝同觀音神位。由於以往廟嘅附近有間銅鑼灣警署,所以以往呢間差館上上下下除咗拜關帝,每逢岳王神誕都會去賀誕拜埋岳飛。而據個頭嘅街坊,話可能有岳王坐陣,所以個一帶治安好好夠晒太平。