澳門回歸

1997年7月1日，中華人民共和國恢復行使香港主權，香港正式回歸祖國。而同香港一海之隔嘅澳門，就响22年前嘅今日，即1999年12月20日回歸祖國，開展歷史新一頁。

回顧歷史，澳門响明代個陣就已經租借咗俾葡萄牙，後嚟响十九世紀清廷同葡萄牙簽訂《中葡和好通商條約》，葡萄牙就以不平等條約响澳門作出殖民統治。到咗上世紀七八十年代，中華人民共和國就兩岸統一、香港前途問題等，確認恢復對香港及澳門行使主權嘅方針。1987年4月13日，中葡兩國於北京正式簽署〈中華人民共和國政府和葡萄牙共和國政府關於澳門的聯合聲明〉，落實中華人民共和國政府於1999年12月20日對澳門恢復行使主權。

其實响澳門回歸前，治安問題不斷惡化，當時唔少澳門居民都覺得澳葡政府無能，希望回歸之日早日到來，甚至有人提出解放軍提前進駐澳門，震懾班黑社會。