中國「雜交水稻之父」袁隆平喺5月22日嘅時候就因病去世，享年91歲。而佢喺逝世之後嘅六個月就都正式安葬喺長沙。呢位改變中國十四億人命運嘅人物，受到唔少國人嘅尊敬，有唔少網民仍然分享住佢過往生活嘅事蹟，就好似呢張「榮譽駕駛執照」咁。
相信唔少史友們可能都聽過，其實英女王係全球唯一一個可以無證駕駛嘅人，而類似嘅資格其實袁隆平院士都有！袁隆平其實擁有一張全國獨一無二嘅駕駛執照，呢張執照係由湖南省公安特別頒發，而且仲係終身免檢，換言之其實無論袁院士幾多歲都好，佢都依然可以憑住呢張執照駕駛。
咁問題嚟喇，呢張執照又係咪冇限制呢？其實呢張執照只限袁隆平喺往返科研基地、居住地以及試驗田之間使用，要知道其實袁隆平幾乎每日都會下田同埋去到數據儲存中心、辦公室等等，只不過隨住佢年紀大，先至由電單車轉為駕駛私家車，亦都係因為呢個原因，湖南省公安廳先特別向他頒發一張「榮譽駕照」，真係估佢唔到！
原圖嚟自網絡