繼續同史友們介紹一啲曾經幫助過我哋嘅外國友人，尋日就同大家講到果位被南京難民稱之為「活菩薩」嘅明妮·魏特琳，今日阿史就想同大家講一講一位醫學上相當有成就嘅人物，佢就係首個獲得中華人民共和國國籍外籍人士馬海德。
馬海德出生喺祖籍黎巴嫩，長大於美國水牛城，早喺1927年佢就考入北卡羅來納大學讀醫學預科，反來更加喺貝魯特美國大學醫學專業、日內瓦大學醫科學習。當時佢就已經同中國學生相當友好，甚至仲講到一口流利嘅中文。喺機緣巧合之下，佢得到一個朋友父親嘅支持，一齊去到東方考察。佢率先去到上海，最初係喺廣慈醫院、來斯特醫院進行治療工作，後來認識到宋慶齡，去到陝甘寧邊區採訪中國共產黨總部。
因為呢次採訪，佢深受中國共產黨嘅事跡感動，決心留喺陝北參加革命事業，並且喺1937年2月10日加入中國共產黨，擔任陝甘寧邊區衛生部顧問。喺抗戰期間，佢就參與籌建八路軍醫院，亦都係喺呢個時候同延安魯藝女學員周蘇菲結婚。而喺中華人民共和國成立之後，佢就主動提出加入中華人民共和國國籍。
馬海德嘅成就唔單止咁，佢及後就將自己嘅研究重心放喺性病、麻風病預防治療方面，繼中國宣布消滅梅毒後，佢就積極投入控制、治療麻風病，喺1997年實現基本消滅麻風病，真係犀利！
原圖嚟自網絡