三名曾為日本陸軍服兵役嘅台灣人，响2019年响日本政府提出訴訟要求日本政府承認其擁有日本國籍，結果敗訴收場，輸咗官司之後佢哋仲係覺得自己係日本人。有評論就話，呢單官司反映當年日本响台灣實行「皇民化」管治遺禍太深。
所謂「皇民化」，就係日本响二戰戰敗前對外擴展後對佔領地其中一種管治方式，台灣其中一個「皇民化」管治影響最深嘅地區。簡單而言就係通過推行一系列同化政策，令到被日本佔領地區嘅當地人認同日本與崇拜天皇。其實日本响十九世紀末佔領台灣後已進行日本化嘅殖民管治，包括响台灣住民分等級，响二戰前島內已經有唔少台灣人思想行為都同日本人無異。
到咗1936年，日本在台嘅政府就推行「皇民化」政策，包括以日語為「國語」、迫台灣島民放棄原來信仰改信日本神道教等，後嚟仲推行廢漢姓改日本姓名嘅措施。而日本响1942年仲開始有台灣同胞加入日軍，前赴戰場。隨著日本响二戰戰敗，日本結束响台灣半個世紀嘅管治，「皇民化」亦走進歷史。不過，小部分台灣人被「皇民化」荼毒太深，仲覺得自己係日本人而唔係中國人，上文提及個三名台灣老人就應該係呢類人，仲有圖中嗰位。
原圖嚟自網絡