恐龍化石、植物化石就同史友們介紹過唔少，呢啲化石嘅發現其實就印證唔同嘅物種曾經喺地球存在過，亦都有助科學家了解到生物嘅起源。而喺上世紀20年代，我國嘅西陰村遺址都有一項好特別嘅考古發現，印證到中國養蠶業起源。

西陰村遺址位於山西省運城市夏縣，係一座新石器時代遺址。呢個遺址係喺1926年果陣由李濟以及梁思永喺進行調查之時發現，期後仲親自進行發掘工作，所以更加係第一座由中國人發掘、由中國人獨立主持嘅新石器時代遺址。成個遺址現存面積有成三十萬平方米，其中就分仰韶文化半坡類型、廟底溝一期文化、西陰村文化、西王村三期文化等等。

咁到底呢個遺址曾經有過咩發現呢？喺1926年，呢度就曾經出土過65片彩陶，31片素麵陶，後來就被組成直口圜底缽、魚紋彩陶盆、侈口弦紋罐等仰韶文化半坡類型陶器，仲有未能確定文化類型嘅黑陶碗以及一啲骨錐、骨針。而講到最珍貴嘅一樣，絕對就係喺地層當中發現嘅、被刀割過嘅蠶繭化石，就咁簡單嘅一項發現，就足以證明當時嘅人對養蠶取絲已經有相關嘅意識，亦都印證到中國養蠶業起源，真係犀利 

原圖嚟自網絡