繼續同史友們介紹我國嘅考古發現，西安、河南嘅遺址就同史友們介紹過唔少，而位於高原缺氧嘅考古遺址，唔知史友們又見過未呢？今次阿史就同大家介紹下啦！

據國家文物局舉行嘅「考古中國」重要項目重要進展工作會上公布，有考古團隊就喺西藏康馬縣發現到一個距今接近4000年嘅史前聚落遺址，名為瑪不錯遺址。喺呢個遺址之內，考古團隊就發現到十座墓葬，連同火塘、灰坑等人類生活遺存，亦都有唔少石器、陶器、骨器、玉管珠等遺物，印證呢個地方曾經係有史前人類聚居。

考古學家就推斷，單單係呢個瑪不錯遺址就足以構成一種考古學文化類型，有助對西藏史前考古學文化序列、史前人類適應高寒缺氧極端環境過程等議題上，提供有力嘅證據，阿史真係期待有進一步嘅發現啊！

原圖嚟自網絡