喺東漢著名軍事家、詩人曹操《短歌行》當中,就有咁樣嘅一句「周公吐哺 天下歸心」,阿史讀到嘅時候就喺度諗,到底兩者之間有咩關係呢?阿史今次就同大家講一講啦!

詩句當中嘅周公其實就係周武王細佬、周成王嘅叔叔。喺周武王死後,周成王仍然年幼,周武王生前就將江山託付畀周公,等周公可以輔助成王。而為咗可以好好咁管理國家,當時周公就廣納賢材,每逢有人前來拜見嘅時候,周公即使係食緊飯,都會急忘吐出口入面嘅食物接見來訪者,唔見有一絲延誤,所以後來就有周公「一飯三吐哺,猶恐失天下之士」嘅講法。而曹操《短歌行》當中用到呢句,就係表達自己思才若渴,希望天下有識之士都來歸附。

咁所以,「周公吐哺」其實就係反映緊當時周公相當得人心,基本可以做到得人才得天下。

原圖嚟自網絡