今日係1月15日,喺二戰當中嘅太平洋戰爭入面,呢一日係相當重要嘅一日,事關日軍喺瓜島海戰戰敗,令到成個戰局發生大逆轉!

喺1941年12月7日,日本偷襲珍珠港美國太平洋艦隊之後,無疑係大幅削弱咗美國嘅戰艦艦隊,隨後亦都成功菲律賓、泰國、馬來亞、新加坡、荷屬東印度群島、威克島等地,奪取豐富嘅天然資源屬地、建立軍事戰略基地。英國、澳洲、荷蘭隨後亦都加入美國同日軍進行戰爭。

喺瓜達康納爾島戰役之前,日本就已經喺珊瑚海、中途島海戰中遭受挫敗,亦都係因為咁,盟軍先至打算喺日本手上奪取戰略主動權。為咗可以保護美國、澳洲、紐西蘭之間運輸航線,盟軍就喺1942年8月7日喺瓜達康納爾島一帶進行反攻,以美軍為主力進行小型登陸作戰。歷時半年嘅戰鬥令到雙方損耗大量戰艦飛機,日軍亦都受到消耗作戰重創而選擇撤軍。而喺1943年1月15日,正正就係太平洋戰爭轉捩點,日軍就喺瓜島海戰正式戰敗,盟軍由此開始進行戰略反攻。

原圖嚟自網絡