繼續同史友們介紹香港嘅特色歷史建築,位於港島鰂魚涌嘅太古糖廠、太古船塢就同大家介紹過唔少,今次阿史就同大家介紹下同呢兩座建築相關嘅古蹟啦!

位於鰂魚涌柏架山道50號嘅山林之間,其隱藏住一座歷史悠久嘅紅磚屋,呢座就係始建於1920年代嘅林邊屋。現為二級歷史建築嘅林邊屋,係由太古洋行興建,最初嘅目的係為咗畀太古糖廠、太古船塢任職二級管理層嘅歐籍職員居住,甚至仲配埋個車庫添。林邊屋就咁建築嚟講都有唔少特色,就好似有中式琉璃瓦屋頂之餘又配埋紅磚牆,室內仲有柚木地板以及大壁爐,真係幾種建築風格融合埋一齊。

之不過去到三年零八個月嘅時候,呢間屋就曾經被嚴重劫掠破壞。直到1947年,呢個地方先至恢復作為宿舍用邊,並且去到1972年當太古糖廠結束結業後就一直空置,後來先至術交畀香港政府,現時就用作「林邊生物多樣性自然教育中心」。

原圖嚟自網絡