繼續同史友們介紹我國嘅一啲最新考古動態,「定遠艦」曾經係清朝北洋海軍嘅旗艦,號稱係「亞州第一巨艦」嘅「定遠艦」喺甲午戰爭當中受到日軍擊傷,後來就喺1895年自沉。多年嚟水下考古隊都嘗試可搵返呢個沉艦殘骸遺址,而喺2019年水下考古隊就憑住一塊重約18噸戰艦鐵甲確認到定遠艦身份,咁依家進展又係點樣?
為咗可以進一步對呢個遺址進行發掘,山東省文化和旅遊廳(省文物局)文物保護處就第一次公布水下文物保護區,將威海灣遺骸沉艦遺址被列為山東省第一批水下文物保護區。據專家分析,目前「威海灣一號沉艦遺址」考古研究成果豐碩,目前基本已經可以確認北洋海軍旗艦「定遠」沉艦殘骸遺址範圍,公布為水下文物保護區可以建立到健全保護制度、管控措施,有利於加強水下文物的保護。
水下考古同田野考古唔同,水下考古起步較遲,並且水下情況複雜多變、操作難度、危險系數較高,要進行考古發掘都唔係咁容易,所以呢個中日甲午戰爭終戰之地到底仲會有幾多發現,真係需要大家拭目以待!

原圖嚟自網絡