提起乙型肝炎呢隻病，老一輩嘅史友可能都好有印象，事關呢種肝炎曾經喺1970年代開始爆發，由於早年呢隻病係無法治癒並且基數龐大，所以奪去唔少珍貴嘅生命。
為咗拯救國人生命，早喺1975年陶其敏等人就已經展開乙肝研究，並且喺1975年成功研發到中國第一支血源性試驗乙肝疫苗「7571」，因為經費不足陶其敏甚至仲親身試藥。之不過，血源性乙肝疫苗係需要由乙肝病毒攜帶者血清血漿進行純化滅活後製成，所以產量相當有限並且昂貴，根本冇可能完全消滅乙型肝炎。
與此同時，乙肝病毒更加係快速傳播。時間去到1986年，當時默沙東公司重組rDNA乙肝疫苗並且喺美國上市，雖然市面上唔少藥廠都因為呢隻疫苗利潤低而退出研究，但羅伊·瓦傑洛斯仍然堅持研究，並且領導默沙東公司將乙肝病毒表面抗原基因轉移到酵母菌中，製成基因酵母乙肝疫苗。
新型嘅疫苗成本更低、可以進行工業化大規模生產、而且免疫效果更好，對藥廠嚟講絕對係好消息。之不過，呢個時候中國政府代表團赴美國，與默沙東公司談判引進乙肝疫苗技術，而本來可以每年收取20億美元售出疫苗，但羅伊·瓦傑洛斯就選擇以700萬美元底價將這項技術轉讓畀中國，目的就係想構建一個冇乙型肝炎嘅中國，真係偉大啊！
原圖嚟自網絡