秦始皇發現兵馬俑就唔係咩新聞，但如果要喺呢啲陶俑當中再有新發現，呢件事史友們唔知又有冇想像過呢？

近排秦始皇帝陵博物就公佈咗一則消息，就係有考古工作者去年對秦兵馬俑一號坑嘅兩個過洞進行發掘，點知就喺當中搵到25件陶俑，當中甚至仲有中高級軍吏俑。而據考古發掘同研究後發現，出土陶俑彩繪保存狀況較好，目前就已經運至保護修復室進行保護修復，並且將碎裂嘅陶俑進行拼合。可能史友們問，單純出現一個中高級軍吏俑都唔算係咩大新聞，點解又會咁特別去公布？

重點就喺呢度，因為呢個中高級軍吏俑嘅出現，令到考古人員對秦俑坑發現以來所出土中高級軍吏俑進行梳理，最尾提出一號坑軍陣排列可能具有南北、東西向對稱嘅特點，更進一步連繫到古時軍陣排列嘅推測，真係不得了！

原圖嚟自網絡