喺1945年8月6日同埋8月9日,係世界見識到原子彈恐怖嘅日子,當時唔少人都諗正因為呢種恐怖武器嘅出現,世界將會有一段時間嘅和平。之不過,喺二戰過後,兩個超級大國就展開一場名為「冷戰」嘅國與國之間競爭,如果冇咗阿史接下嚟要介紹嘅呢位人物,甚至仲差點演變成核戰。
阿史要介紹嘅呢位人物,其實就係前蘇聯軍官彼得羅夫,佢係出生於海參崴嘅前蘇聯國土防空軍中校。佢喺1983年就任職於莫斯科一個核攻擊早期預警基地,喺9月26日係由佢負責執勤。之不過當中就突如其來接到,飛彈預警系統發出警報,警告美國核子洲際飛彈來襲。
正常人睇到呢個消息一定好驚,甚至可能仲會報告上級立即發放飛彈還擊,之不過彼得羅夫就判斷呢個係一個假驚報,可以忽視唔處理,而佢呢個決定就正正防止咗美蘇間大規模核戰爭爆發。喺警報事件之後幾日,彼得羅夫就受到批評,喺往後十年都一直保持沉默,呢件事直到蘇聯解體以後先曝光。而彼得羅夫就曾經就事件表示「我不過是在幹我的工作。不過,很幸運,那天晚上是我值班。」
原圖嚟自網絡