上年喺內地上映嘅戰爭片《長津湖》票房就成功衝破57億人民幣,成為中國電影史最高票房紀錄嘅首位,而佢嘅續集《水門橋》亦都鐵定會喺年初一上畫,近日《水門橋》主題曲嘅片段就都播出,隨即引起唔少網民熱議。

近日《水門橋》就發放咗一首新MV,名為《水門橋》天地我來過,就咁聽歌名都係充滿英雄豪氣,而事實上呢首歌嘅來頭一啲都唔簡單,事關歌詞正正就係嚟自喺抗美援朝戰爭當中犧牲嘅志願軍戰士宋阿毛嘅絕筆詩改編而成。呢位上海籍嘅戰士宋阿毛係嚟自著名嘅冰雕連,佢喺犧牲之時手掌其實係握住一張紙,紙上寫住佢嘅絕筆詩「我愛親人和祖國,更愛我的榮譽,我是一名光榮的志願軍戰士,冰雪啊,我決不屈服於你!哪怕是凍死,我也要高傲地聳立在我的陣地上!」

如果配合返呢段背景,再睇返成個《水門橋》主題曲嘅畫面,唔少史友們又感唔感受到果種對英雄嘅崇高敬意呢?

原圖嚟自網絡