提起和珅呢個人物，相信唔少史友都會諗起「和珅跌倒，嘉慶吃飽」呢句說話，之不過和珅犀利嘅地方唔單止係貪污，唔講唔知其實佢曾經係有九房妻妾架！今次阿史就同大家講一講啦！
喺唔少影視作品當中，和珅嘅形象都好似係「一支公」咁樣，之不過，其實佢都曾經大肆貪色、享盡人間風流。佢嘅元配係馮霽雯，係一個滿清世家嘅獨生女，和珅亦都係因為佢而得到唔少仕途發展嘅機會，而當呢位夫人仍然在世嘅時候，其實和珅並冇胡作非為，所以馮霽雯喺和珅心中真係有一定地位。而長二姑就係佢嘅小妾，曾經入和府同和珅、馮霽雯住埋同一個院，仲被稱為二夫人。
至於原為浙江巡撫王亶望愛妾、名動江南嘅蘇州才女吳卿憐就係轉輾之下官員為咗巴結和珅而送畀佢嘅；揚州鹽商汪如龍精心訓練嘅揚州美女豆蔻就係和珅隨乾隆下江南果陣獲得進獻，後來汪如龍亦都成功成為兩淮鹽政。
除此之外仲有一位名為和珅契女，實為情婦嘅納蘭；曾經係揚州鹽商汪如龍、江寧織造進貢畀乾隆，但後來和珅耍手段收買太監總管偷運出宮嘅黑玫瑰、小鶯、紫嫣以及一位西洋美女瑪麗都係和珅嘅妻妾，真係不得了！

原圖嚟自網絡