1865 年 3 月3日，對中國嘅金融體系、銀行體系嚟講係相當重要嘅一日，事關上海匯豐銀行正式喺香港創辦。

咁史友們可能會問，點解冇啦啦一間銀行創辦會咁重要呢？喺鴉片戰爭之後，中國就出現唔少外債嘅問題，雖然國內當時有唔少錢莊票號，但其實仲未形成到一個完整嘅銀行體系，融通當時歐洲、印度與中國之間日趨頻繁嘅貿易往來就成為咗當時之急。於是，由香港黃埔船塢公司第一屆主席湯馬士·修打蘭發起，由寶順洋行、瓊記洋行、沙遜洋行等十五間洋行作為發起委員，以資本額500萬港圓，成功喺1865年3月3日港島皇后大道中1號創立銀行。

值得一提呢間銀行原本係叫做「香港上海滙理銀行」，後來就喺1881年由時任清朝外交官毅勇侯曾紀澤題寫「滙豐」兩字，以表「滙款豐裕」之意，所以後來就以「滙豐」命名喇！

原圖嚟自網絡