早排就同史友們講到鄧小平離世時嘅遺願係將自己嘅遺體損贈去做醫學研究,其後更加以骨灰嘅形式撒向大海。正當大家都可能以為呢位偉人所有願望已經達成嘅時候,其實佢仲有個心願未了!

鄧小平作為我國曾經嘅國家領導人,前半生經歷過「三起三落」,主導撥亂反正、提出改革開放、領導中越戰爭等等,見慣風浪嘅佢到底仲會有咩心願未了呢?據早年大型紀錄片《永遠的小平》當中對鄧小平夫人卓琳進行過嘅訪問,就提到鄧小平病情惡化之時,有提到自己嘅一個心願。

喺1997年,當年中國政府將會恢復對香港行使主權,當時鄧小平已經急不及待想見到香港回歸,而呢件事亦都係佢同英國談判而得返嚟嘅結果。之不過,隨住佢嘅病情惡化,佢已經深知自己等唔到果一日,當時佢就同佢卓琳講「我多麼想到香港的土地上去看一看啊,可是我不知道還能不能 等到那一天了,只能等到將來你替我去了。」

而結果,鄧小平先生就喺1997年2月19日離世,最後卓琳亦都喺1997年7月1日替鄧小平完成咗佢嘅心願,成功見證呢片在外漂泊百年土地回歸國家。

原圖嚟自網絡