1925年3月12日,一位對中國近代史而言相當重要嘅人物喺北京逝世,享年59歲,而呢位人物正正就係「國父」孫中山先生。
作為中國近代民主革命嘅偉大先行者,呢位傳奇人物年幼就係喺廣州、檀香山同埋香港幾個地方長大,而令佢有革命呢個念頭,全因為佢喺長大過程當中見證住中國嘅衰落,所以一心想通過革命嘅方式改變中國。佢嘅革命之路由建立興中會開始,革命事業嘅高峰甚至令佢成為臨時大總統。
而喺1924年11月,喺孫中山北上前夕,其實佢就已經對自己健康有所擔憂,而當佢喺12月到達天津之後,更加係一病不起。但為咗可以去到北京,佢仍然扶病入京,發表《入京宣言》及對歡迎民眾進行書面談話。最終經過診斷,佢就證實罹患肝癌末期,喺1925年3月12日逝世。
而喺佢臨終前嘅後一句說話,其實就係「和平、奮鬥、救中國。」
原圖嚟自網絡