提起「中國」嘅全稱,相信史友們都必定知道係「中華人民共和國」,之不過其實喺1948年8月1日之後、1949年6月15日之前,當時「中國」全稱並唔係叫做「中華人民共和國」,而係叫做「中華人民民主共和國」。咁到底點解「中國」嘅全稱會經歷過改動呢?阿史今次就同大家介紹下啦!

喺新中國成立之前,其實唔少大城市好似天津、南京、上海都相繼解放,國內基本上大局已定,中國共產黨呢個時候就需要同各民主黨派、各人民團體組成的新政協籌備會,召開第一次全體會議。而呢個會議,當時代表蔣介石前來談判嘅張治中亦都有份參與。

喺呢次會議之上,其中一個討論重點就係由張治中建議,喺會上就有人提出現時國家名太長,建議改成「中國人民民主國」,進入社會主義之後先改為「中華社會主義民主國」。聽到呢度,張治中就建議「共和」一詞本來就有「民主」嘅意思,與其係咁,不如我哋嘅國家名就叫做「中國人民共和國」啦!聽到張治中呢個建議,毛澤東都即時讚好,就係咁新中國正式定名「中華人民共和國」喇!

原圖嚟自網絡