凡係屋企出咗咩意外,相信唔少史友即時嘅反應都係帶走屋企嘅貴重物品,而作為中國最後一位皇帝嘅溥儀都唔例外,佢喺正式退位之後其實按照同袁世凱達成《清室優待條件》,佢同埋其他皇室成員係可以繼續住喺故宮之內,甚至呢啲地方更加係佢同埋皇族嘅私人財產,每年更可以得到400萬兩(銀子)。
之不過,後來馮玉祥掌握大權之後,就決定除去溥儀,喺1924年10月23日驅逐溥儀等人出宮。離宮其實溥儀係唔情願嘅,但係要走嘅話至少都要帶走宮中嘅珍貴,但咁多珍品嚟講帶走邊件好呢?唔計就咁提走嘅,當中最珍貴嘅一件溥儀係直頭將佢縫入自己嘅棉衣入面,呢件珍品就係田黃三聯璽!
田黃三聯璽實際上係乾隆皇帝嘅至愛,當年製作之時唔單止要搵大塊嘅田黃中,仲要搵齊能工巧匠由抽條、掐條、取鏈、活環等十幾道工序跟到足,先可以整到呢件以鏈環相扣、完整合一嘅三聯璽。喺乾隆皇帝之後,嘉慶、道光、咸豐等人對呢件文物都相當珍惜,就連嚟到溥儀呢化都唔例外,足足帶咗喺身上超過26年!
原圖嚟自網絡