繼續同史友們介紹一啲歷史上嘅謎題，八國聯軍侵華期間嘅事就為大家講過唔少，既然當時京城陷入戰火當中，咁皇室嘅成員就當然要走難啦！咁歷史上史友們都知道慈禧係走咗去西安，但其實慈禧太后最初要逃去嘅地方並唔係西安！今次阿史就同大家講一講啦！

可能睇到呢度，唔少史友都會諗，明明當時中國仲有咁多地方，點解慈禧偏偏要走去西安而唔去其他地方呢？咁就要由1900年嘅一件事講起。當時兩廣總督李鴻章得知八國聯軍進攻北京，而慈禧太后又決定要同列強開戰之後，佢心裡明白清廷必定唔係對手，所以當時佢就回覆「此亂命也，粵不奉詔」，並且聯同兩江總督，湖廣總督，四川總督，山東巡撫等一同與列強談判，簽訂咗東南互保條約。

呢條條約當中就表明江南多個省份都唔會聽清政府號召，而列強亦都唔會對南方各省進攻。喺呢條條約之下，半個中國嘅省份都唔會收留慈禧太后，而當時東北亦都成為日本以及俄國嘅地盤、新疆，山西一帶慈禧又唔敢去、就連河北、山西都係義和團嘅地頭，所以只係得返西安呢個地方。與其話慈禧選擇走佬去邊，不如話佢只係可以去西安啦！

原圖嚟自網絡