記得好耐之前阿史就介紹過香港三大古刹之一嘅青山禪院，咁另外兩個古刹又响邊呢？

其中一個就係位於元朗廈村嘅靈渡寺喇！同青山禪院一樣，呢座古刹係同南北朝時高僧杯渡禪師有關。據《新安縣誌》所載：「（杯渡禪師）復駐錫靈渡山，山有寺，亦名靈渡寺」。據講杯渡禪師先响先駐錫屯門山，其後遷往屯門山數里外嘅靈渡山。隋代時曾經改稱為靈渡道場，唐代大事修築並改名大雲寺，宋徽宗時改稱為白雲觀，至明代又改回靈渡寺。

雖然靈渡寺起源於佛教，但經過歷朝歷代歲月轉替，呢座千年古刹已成為亦佛亦道嘅寺觀。

原圖嚟自網絡