介紹過青山禪院同靈渡寺，阿史就自然要介紹埋香港三大古刹之一，就係位於錦田八鄉附近嘅凌雲寺。

相對青山禪院同靈渡寺而言，凌雲寺歷史就無咁悠久，呢間寺廟係建於明代，由錦田鄧氏族人興建。據資料顯示，凌雲寺最初唔係佛寺，而係叫凌雲靜室，到咗十九世紀初滌塵法師重修靜室，更改名為凌雲寺。1911年妙參法師從羅浮山去到錦田一帶弘化，擴建寺門，先至有今時今日規模。

特別嘅係，凌雲寺係香港第一所女子佛學院，供女信眾作為清修道場。

原圖：bodhi360.hk/