伊朗壁畫人面螳螂身像 有4萬年歷史？

繼續同史友們介紹一啲近排世界有趣嘅考古發現，相信唔少有睇開某系列電影嘅史友都必定認得圖中嘅呢位「螳螂女」，原來佢出現嘅地方唔止係喺電影，竟然喺伊朗古壁畫上面都有佢哋蹤影？今次阿史就同大家講一講啦！

要知道伊朗曾經係稱霸西亞兩千年波斯帝國嘅發源地，喺呢個地方自然就有唔少古文明遺跡，而近排考古學家就喺伊朗中部馬凱斯省（Markazi）發現一幅岩畫，上面竟然係有一幅4萬年歷史壁畫，畫有人面螳螂身像？

據了解，呢幅壁畫就長達14公分、寬約11公分，根據放射性碳定年法推測接近有4萬年歷史，而圖中嘅呢個畫像經過對比考古學家就認為係當地一種名為「錐頭螳螂」（Empusa）嘅物種，而岩畫描繪嘅就係世界各地壁畫都出現過嘅「Squatter Man」。咁到底點解當時嘅人要將螳螂同人身畫埋一齊呢？又會唔會同咩古代信仰有關呢？呢啲都需要有進一步嘅考古調查先知！