每逢去旅行,其中一個阿史必去嘅地方自然就係當地嘅博物館,之不過受到疫情影響都好耐冇得周圍去睇,唯有同史友們繼續介紹下國內嘅博物館一啲最新情況,今次就講一講全國首座考古學科專題博物館,陝西考古博物館啦!

有別於目前大部分以展陳為主的博物館,陝西考古博物館就係以考古學學科發展為主線,以考古人嘅角度等遊客可以進行沉浸式嘅考古過程,等大家可以真正置身考古「現場」,溯古源、探史跡、聽典故、賞國寶。

雖然係以體驗為主線,但呢個總建築面積3.6萬餘平方米嘅博物館其實仲係設有文物保護中心、科技考古中心、圖書資料中心、公眾考古中心等等,其至仲有公眾考古中心室外模擬考古區域功能區,等大家可以親身嘗試發掘文物,真係好吸引啊!

原圖嚟自網絡