喺唔少影視作品當中，當個主角係一啲重要人物或者領導人嘅時候，通常都會有幾個替身去為自己分擔風險，咁到底呢種事喺現實又會唔會發生呢？答案係會架！前蘇聯領導人史太林一生甚至仲有好多個替身，今次阿史就同大家講一講啦！

到底史太林一生有幾多個替身？其實由於冇明確嘅記錄流出，所以西方學者一直都冇公論，但就可以肯定有以下呢幾個人物，其中一個最為出名嘅就係達達耶夫。出生喺1926年嘅佢原本係烏克蘭國家歌舞團嘅一個舞者，因為戰爭而入到第132師上前線表演振奮士氣，當時就已經有唔少人覺得佢生得好似史太林。之不過，亦都係因為呢一點，令到佢被肅反人員以專機帶到莫斯科，要求佢以後都扮演史太林，由增肥、縫製衣服、揣摩表情、動作等等嘅訓練之下，達達耶夫曾經代過史太林上觀禮台、上過電視，所有舉動都得到史太林認同。

盧比茨基如樣都係史友林替身，佢甚至仲需要做外科手術改動鼻嘅形象、喺面上加啲「麻子」，足足用咗六個月時間將佢打造成史太林。而據後來蘇聯內務人民委員會嘅官員描述，其實佢足足做咗史太林替身十五年，真係估佢唔到！而另外兩個替身雖然冇太多記載，但史學家就一般認為史太林一生係有四個替身，唔知史友們又點睇呢？

原圖嚟自網絡