今日係母親節，呢個節日之所以出現都係因為紀念默默做出偉大貢獻嘅母親們。而提到呢一點，相信唔少史友都會諗起一句「可憐天下父母心」，之不過唔知史友們又有冇諗過，呢句說話原來係出自慈禧太后架喎！
話說慈禧嘅母親其實就係歸化城副都統惠顯之女富察氏，而喺慈禧已經喺官中嘅時候，已經六十歲嘅母親就喺錫拉胡同擺大壽，唔少官員都有送禮過去，但係慈禧當時就冇辦法參加。於是，佢就諗到要寫一幅書法畀自己嘅母親，書法上就係寫住「世間爹媽情最真，淚血溶入兒女身。殫竭心力終為子，可憐天下父母心！」單單係「可憐天下父母心」呢一句，就感動咗世間唔少父母子女，但從來都冇諗過，原來呢句說話係出自老佛爺嘅口！
原圖嚟自網絡