【講開有段故】英6歲男孩海邊挖貝殼 挖出史前巨齒鯊遺骸


相信唔少史友童年都曾經試過同屋企人去到海邊玩，之不過唔知大家有冇幻想過，喺玩玩下沙嘅過程中，都有機會發現到史前生物嘅遺骸呢？而呢件事近排真係喺英國發生咗！


近排英國就有一個六歲嘅小朋友Sammy同埋屋企人去到Suffolk嘅一個海灘，原本只係想搵貝殼嘅佢，意外就喺過程中搵到一粒長約十公分嘅鯊魚牙齒。正常人搵到呢一步可能都會以為係普通鯊魚牙就算數，之不過原來呢粒牙經過專家鑑定之後，竟然係一粒屬於300萬年前早已滅絕嘅巨齒鯊。


據進化生物學家Ben Garrod表示，呢粒牙齒係屬於被視為有史以來最大嘅鯊魚、捕鯨者巨齒鯊嘅。據專家估計，呢種鯊魚身長能長至18公尺，體重則能重達60噸，真係相當誇張！


原圖嚟自網絡